Um erindrekar.is

Gervigreind er að breyta því hvernig fyrirtæki og starfsfólk vinna — en umræðan um hana er oft á ensku og full af hugtökum sem erfitt er að þýða eða skilja í íslensku samhengi. erindrekar.is er tilraun til að safna saman á einum stað verðmætum upplýsingum um erindreka (agents), MCP-þjóna og gervigreindarknúin spjallmenni — á íslensku, með skýrum hugtökum og raunverulegum dæmum frá íslenskum fyrirtækjum.

Markmiðið er að íslenskir stjórnendur og teymi geti á einum stað fundið útskýringar, hugtök og dæmi sem hjálpa þeim að taka upplýstar ákvarðanir um hvenær og hvernig á að nýta þessa tækni.

Hver stendur að þessu

erindrekar.is er drifið áfram af APRÓ, íslensku hugbúnaðar- og tæknifyrirtæki. Efnið byggir á alþjóðlegum heimildum um erindreka (sjá tilvísanir á forsíðu) og eigin þekkingu og reynslu APRÓ af innleiðingu gervigreindar hjá íslenskum fyrirtækjum.